Deputeti Ervin Salianji u shpreh në emisionin “Zonë e Lirë” se ish-Kryeministri Sali Berisha u tall me demokratët. Salianji tha se shumica e demokratëve janë me institucionet e PD-së, ndaj edhe Berisha nuk arriti dot as në 11 dhjetor, as në 18 dhjetor, as në 5 apo 8 janar.
“Në 6 mars do të kemi vetëm një kandidat nga Partia Demokratike për secilën nga bashkitë ku do të mbahen zgjedhje. Dhe PD do të fitojë në të 6-ta bashkitë. Nuk ka asnjë demokrat që del për ti bërë dëm PD-së. Mund të dalin kandidatë të pavarur, por nuk janë të PD-së”, tha Salianji.
Salianji tha se shumica e demokratëve janë me institucionet e PD-së dhe do të fitojnë gjashtë bashkitë që janë në lojë.
“Edi Rama është turrur me para për të gjetur kandidatë që të paraqiten si demokratë. Këtu është një lojë e Edi Ramës dhe Sali Berishës kundër PD-së”, tha Salianji.
