Einxhel Shkira u rrëzua kur tentoi të bëjë një akrobaci me një orendi në formë rrethore dhe lëndoi krahun. Dhimbjet ishin të padurueshme dhe ajo u transportua në spital nën monitorimin e kamerave. Einxhel tashmë i është nënshtruar një operimi në krah.
Fansat e programit kritikuan veprimet e disa nga banorëve në rrjetet sociale. Bëhet fjalë për momentin ku ata improvizuan me shaka një “varrim” të Einxhelit, duke i shkuar te shtrati dhe duke i hedhur lule sipër e duke bërë homazhe për të.
Ata dëgjohen edhe duke bërë shaka me lëshimin e frazave vajtuese si: “Po ishe e re…”, “Dagzi do rri pa amrtuar…”, “Po çfarë do bëj Dagzi pa ty moj motër…”, e të tjera. Shumë nga ndjekësit e kanë kritikuar këtë improvizim duke e quajtur një shaka që nuk duhet bërë në të tilla raste.
