Mbrojtja e Arlen Hasanaj, i arrestuar si autori i dyshuar për vendosjen tritolit në derën e jashtme të shtëpisë së kreut të FSHF-së, Armand Dukës, pretendon se ka një fakt të fortë që dëshmon sipas saj se 34-vjeçari nuk është autori i ngjarjes. Ajo ka paraqitur para gjykatës disa pamje filmike me të cilat thotë se provon që Hasanaj ka qenë në një Qendër Tregtare 30 minuta para shpërthimit.
Këto janë pamjet që Fax News ka siguruar dhe bëhet fjalë për 23 minuta përpara se të ndodhte shpërthimi. Sipas mbrojtjes së të riut, Hasanaj ndodhej në një qendër tregtare në autostradën Tiranë-Durrës. Pamjet në fjalë janë përdorur nga mbrojtja përpara trupës gjykuese me pretendimin se 34-vjeçari nuk është autori i ngjarjes së bujshme mbrëmjen e të hënës në qendër të Durrësit
Ora në kamerën e “Megatek” shënon 21:40, ndërkohë që shpërthimi ka ndodhur në 22:03, ndërsa sipas mbrojtjesrë, kaq minuta janë të pamjaftueshme për të mbërritur në lagjen nr 4 ku ka ndodhur shpërthimi.
“Në orën 12:02 ka hyrë në Durrës dhe në orën 22:04 ka qenë tek shtëpia e tij ku ka shkarkuar një ngarkesë për nevoja shtëpiake (dru). Shpërthimi ka ndodhur në 22:04. Nga shtëpia e tij tek vendi i ngjarjes duhen 10 minuta në këmbë. Të gjitha këto sipas videove të administruara. Në orën 22:05 autori real i krimit kalon pranë “FLAG SHIP”, pretendon mbrojtja në tp dhënat që Fax News disponon.
Arlen Hasanaj, që ndodhet në qelitë e paraburgimit, rezulton pronar i një biznesi privat në qytetin bregdetar, themeluar në korrik të 2020. Në lidhje me dyshimet se sulmi ndaj banesës së Dukës mund të ketë ardhur për mosmarrëveshje biznesi me Hasanajn, mbrojtja e këtij të fundit e kundërshton kategorikisht. Por nëse këto argumenta do të pranohen nga Gjykata, kush është personi që ka vendosur tritolin portën e banesës së Armando Dukës, në një kojë kur sapo kishte shpërthyer debati për drejtimin e FSHF-së mes tij dhe kryebashkiakut të Tiranës Erion Veliaj?
