Deputeti Edi Paloka ka ironizuar sot zhvillimet në sallën e Parlamentit, ku pas 4 muajsh mungesë, ishte i pranishëm edhe ish-Kryeministri Sali Berisha, i cli mori fjalën disa herë. Por ajo që tërhoqi vëmendjen ishte fakti se në një kohë kur Berisha po hynte në sallën e Kuvendit, Lulzim Basha, u largua nga Parlamenti, pasi më parë mbajti një fjalim.
Berisha bëri disa denoncime të forta në Kuvend, duke akuzuar Edi Ramën dhe Lulzim Bashën për pastrim parash, pastaj si të lidhur me aferën e inceneratorëve, ndërsa kërkoi hetimin e çështjes nga një Komision Parlamentar, në përbërjen e të cilit mos kishte deputetë të përfshirë në këtë aferë.
Por, ashtu si edhe në senacat e mëparshme, Taulant Balla, mori fjalën në emrin e socialistëve, dhe sulmoi ish-Kryeministrin, për të cilin tha se ishte një ish-deputet.
“Sot Berisha “përzuri” Bashën nga Parlamenti!
Sidoqoftë në sallën e Parlamentit kishte kush jepte përgjigje ne emër të Bashës; ashtu si seancën e kaluar, Bashën e mori në mbrojtje Taulanti, mëkëmbësi i Ramës në Parlament!” shkruan Paloka, duke ironizuar mbrojtjen e Bashës nga Taulant Balla.
