Ish-Kryeministri Sali Berisha, ashtu sikundër kishte paralajmëruar, ishte sot në seancën parlamentare, pas një mungese 4 mujore.
Berisha tha se gjatë këtyre 4 muajve ishte në bashkëbisedim të vazhdueshëm me demokratët. Ndërkohë në seancë, Berisha e ka marrë dy herë fjalën duke sulmuar Kryeministrin Edi Rama dhe deputetin Lulzim Basha, të cilin e ka etiketur si Lul Brava.
Para se të hynte në Kuvend ai është ndalur tek banorët e ‘5 Majit’, të cilët po protestojnë për shembjet e shtëpive.
Ndërkohë, nga deputetët që i ka dhënë dorën Berishës ishte Tomorr Alizoti. Ky i fundit ka shkuar pranë vendit të Berishës në sallën e Kuvendit dhe i ka dhënë dorën duke e përshëndetur.
