Lulzim Basha nga salla e Kuvendit tha se qeveria e dalë nga zgjedhjet e 25 prillit është më e korruptuari. Basha tha se korrupsioni është armik i përditshëm i shqiptarëve, që vidhen çdo ditë.
Basha u shpreh se për inceneratorët që janë afera më e madhe, ose afera e shekullit, vijojnë të bëhen pagesa, ndërsa pronarët janë në kërkim ndërkombëtar.
“E kam thënë rreth 1 vit më parë, uroj që ti gjejnë pasi ata dijnë shumë më shumë se çfarë duhet të dijnë”, tha Basha nga salla e Kuvendit.
Basha tha se sot në sallën e Kuvendit nuk ndodhet as 1/3 e kabinetit qeveritar, ku është Kryeministri?
“Ky që e nisi qeverisjen me premtimin se do të udhëtonte vetëm me bileta ekonomike, sot ka një carter në dispozicion, shkon në Berlin e Paris dhe fluturon me carterin luksoz. Kemi një qeveri me shpenzime marramendëse, në një kohë që kemi popullin më të varfër”, tha Basha.
