Laura Pausini, Alessandro Cattelan dhe Mika do të jenë prezantuesit e ceremonisë së “Eurovision Song Contest 2022” në Torino.
Thashethemet për të tre yjet kanë qarkulluar prej muajsh dhe sipas agjencisë së lajmeve italiane, këngëtarja Laura Pausini dhe drejtuesi televiziv Alessandro Cattelan kanë nënshkruar tashmë kontratat e tyre, me përjashtim të këngëtarit britanik, Mika, i cili e ka mohuar vazhdimisht përfshirjen e tij, por që thuhet se tashmë është gati të nënshkruajë kontratën.
U bë e ditur se Laura Pausini do ishte një nga emrat për t’u shfaqur në rolin e prezantueses në “Eurovision Song Contest 2022” mirëpo mbetet të pritet deri në netët live.
Kujtojmë se renditjet zyrtare të shteteve për paraqitjet e tyre në dy netët e para në Eurovision janë bërë publike. Sipas njoftimit, Ronela Hajati që përfaqëson vendin tonë do të performojë e para në natën e parë gjysmëfinale.
