Kryetarja e LSI Monika Kryemadhi ka publikuar ditën e sotme një foto në rrjetet sociale, duke punuar mbi disa dosje e dokumente, e shoqëruar nga Floida Kërpaçi dhe Elona Guri.
“Çfarë vjen me pas?”, shkruan kryetarja e LSI, teksa shfaqet duke qeshur me dy miket dhe bashkëpunëtoret e saj, të cilat ishin dhe kandidate për deputete në zgjedhjet e 24 Prillit.
Nuk dihet se çfarë po “gatuhet” në zyrat e LSI këtë herë, por herën e fundit që “zonjat” e kësaj force politike u bënë bashkë çuan pas hekurave ish-ministrin Lefter Koka.
Kallëzimi në SPAK për inceneratorët u bë pikërisht nga LSI, forca politike që e bëri ministër edhe pse vitet e fundit Koka kaloi me socialistët.
Mbetet për t’u parë se çfarë realisht do vijë më pas, por nuk përjashtohet mundësia që LSI të dalë me një qëndrim zyrtar në lidhje me zgjedhjet e 25 Prillit.
