Kryeministri serb, Aleksander Vuçiç tha se ka kërkuar nga shefja për Politikën e Jashtme dhe Sigurinë në BE, Federica Mogherini, që të kritikojë sjelljet e Prishtinës zyrtare.
Sipas tij nëse kjo nuk do të ndodhë, ky do të jetë një sinjal se shqiptarët nuk duan dialog, por duan të kërcënojnë paqen e brishtë në Ballkan.
Vuçiç gjatë takimeve të Brukselit është shprehur i bindur se dialogu është rruga e vetme.
Kurse më radikal është shprehur presidenti serb, Tomisllav Nikoliç, i cili ka ripërsëritur frazën “kurrë pavarësi Kosovës”.
Shtypi serb vlerëson se gjëja më e rëndësishme që është arritur në këtë proces është vazhdimi i dialogut.
