Sot aksionet në bursat amerikane pësuan një rritje të ndjeshme, duke shënuar një rekord më vete në hapje të tregjeve, raporton CNN.
Pas fitores së Trump në muajin nëntor, aksionet në bursat amerikane kanë pësuar rritje të vazhdueshme nisur nga zotimet e tij për ekonominë vendase.
Rritja u përforcua në ditët e para të marrjes së detyrës nga Trump dhe firmosjes së një sërë urdhërash ekzekutivë, si ai për ndërtimin e dy gazsjellësve “Keystone XL” dhe “Dakota Access”, që të dy të kundërshtuar fuqishëm nga aktivistët e mbrojtjes së mjedisit.
Të mërkurën, pak pas hapjes, Dow Jones regjistroi 93.38 pikë rritje, ndërsa S&P u rrit me 10.09 pikë e Nasdaq me 36.74 pikë.
