Robin Gosens do të jetë lojtari më i ri i Interit.
Anësori i Atalantës do të udhëtojë drejt Milanos sot ose nesër për të përfunduar transferimin e tij te kampionët e Italisë. Marrëveshja u arrit për 25 milion euro dhe mbetet për t’u përcaktuar vetëm mënyrat e pagesës dhe detajet e mbetura burokratike.
Më pas do të jetë koha e ekzaminimeve mjekësore për anësorin gjerman, sigurisht diçka e rëndësishme duke marrë parasysh dëmtimin që ai ka patur për 3 muaj.
Nëse nuk ndryshon programi, Gosens do të kryej vizitat mjekësore të premten.
