Kryeministri Edi Rama, njëherazi Kryetar i PS, është takuar sot me kryetarin e Bashkisë, Erion Veliaj, i cili është drejtues politik i qarkut të Tiranës.
Rama dhe Veliaj kanë diskutuar për zgjedhjet e pjesshme lokale në Vorë dhe Rrogozhinë, dy bashkitë që janë pjesë e qarkut të Tiranës.
Rama ka nisur konsultimet me drejtuesit politik të qarqeve për të marrë sugjerimet rreth kandidatëve për zgjedhjet e pjesshme lokale në 6 bashki. Këto takime do të vijojne gjatë gjithë javës, për t’u mobilizuar për zgjedhjet e pjeshme vendore, të cilat zhvillohen më 6 mars.
Pasditen e kësaj të marte, Rama është takuar edhe me Ulsi Manjën drejtues politik për qarkun e Dibrës. Në Dibër, ndonëse ende nuk ka një vendim zyrtar, mësohet se PS do të kandidojë kryetarin aktual të komanduar Shkëlqim Murrja.
Konsultimet janë mbyllur me drejtuesin politik të qarkut Fier Taulant Balla.
Burime nga PS thanë se për bashkinë Lushnjë, Ramës i janë propozuar dy emra. Kryetarja e bashkisë në detyrë Eriselda Sefa dhe mjeku i njohur Asfloral Haxhiu. Fjalën e fundit për kandidaturat do ta ketë Kryesia e PS.
