Deputeti Edi Paloka ka ironizuar ambasadoren amerikane Yuri Kim, ecila një ditë më parë tha se provat për shpalljen non grata të ish-Kryeministrit Sali Berisha nuk mund të bëhen publike.
Kim u shpreh se vendimi është marrë bazuar në prova dhe fakte, por ajo shtoi se ato nuk mund të publikohen dhe as do të dorëzohen në ndonjë institucion.
Paloka në postimin e tij shkruan se nëse në një sallë gjykimi në SHBA, prokurori do t´i thoshte gjyqtarit se provat i kam po nuk ti jap, atëherë, gjyqtari minialisht do të dënonte prokurorin për fyerjen e trupit gjykues.
“Imagjinoni një gjyq në SHBA ku prokurori i thotë gjykatësit : “I pandehuri është kriminel. Provat i kam unë po nuk i jap !”
Minimalisht gjykatësi do mund të dënonte prokurorin për fyerje të trupit gjykues”, shkruan Paloka.
Deklarata e Yuri Kim
Pra, a do të çoni prova në gjykatë në Paris apo në një gjykatë në Shqipëri apo…
Ambasadorja Kim: Sapo ju thashë, nuk shkon ashtu …
Nuk do të çoni prova…
Ambasadorja Kim: …Nuk ndodh ashtu …
Edhe nëse jua kërkojnë në një gjykatë në Paris …
Ambasadorja Kim: Nuk ndodh ashtu. Nuk ndodh ashtu. Nuk ndodh ashtu.
Po çfarë ndodh, nëse gjyqi, Z. Berisha e ka hedhur në gjyq në një gjykatë në Paris Sekretarin Amerikan të Shtetit Z. Blinken. Nëse do të kërkoheshin prova, ju nuk do t’i dërgoni ato? Si është procedura, si…
Ambasadorja Kim: Nuk do të komentoj për fantazi apo hipoteza. Më pëlqen të jetoj në një botë bazuar në fakte.
