Ylli Manjani ka reaguar në rrjetet sociale lidhur me dhunën e djeshme ndaj banorëve të 5 Majit, ndërsa shkruan se kjo dhunë nuk do të shmangej edhe nëse në 25 prill do të fitonte Lulzim Basha.
“Le të mos bëhemi cinikë, as hakmarrës ndaj atyre që i dhunoi keqas pushteti, të cilin e votuan para 9 muajsh. Nuk është se shtëpitë e tyre do mbroheshin dhe, as dhuna shpërpjestimore e pushtetit do shmangej, nëse votën do ja jepnin Lulit. Shiheni dhunën e Lulit pa patur pushtet. Është më e egër… Pra as vota për Lulin nuk do e ndalte dhunën e sotme”, shkruan Manjani.
Sipas tij, ato banorë të dhunuar e të lënë në rrugë të madhe me plaçka e familje nuk janë fajtorë përse votuan, as për kë votuan.
“Faji duhet kërkuar direkt dhunuesve me dhe pa pushtet. Dhunuesit pushtetarë janë direkt përgjegjës për trajtimin çnjerzor të banorëve. Dhunuesit opozitarë janë përgjegjës që legjitimojnë dhunën e pushtetit. Opozitarët që shesin shpresën e njerëzve për bisnes, janë kulmi i korrupsionit! Opozita e korruptuar është legalizim i pushtetit abuziv dhe të dhunshëm”, shkruan Manjani.
