Presidenti Ilir Meta foli për të ardhmen e tij pasi të lërë mandatin si kryetar i shtetit.
Meta paralajmëroi rikthimin në politikën aktive, duke shtuar se do të shkojë te populli i 2 marsit, protesta e mbajtur në mbrojtje të Kushtetutës në Bulevard.
Ai tha se ndjehet si futbollisti Cristiano Ronaldo, me parametra si të një 18-vjeçari.
“Nëse gjërat do të ecnin normalisht pas 25 prillit do synoja edhe një mandat të dytë si President. Deri më 25 prill kisha si synim të mos e lija popullin shqiptar në një oqean pabesie. Pas 25 prillit jam në përmbushje të plotë të detyrave të mia. Jam si Cristiano Ronaldo. I kam parametrat si 18-vjecar. Ajo që une do bëj në vijim është t’i përkushtohem popullit shqiptar. Mezi po pres të shkoj tek populli i 2 Marsit”, tha Meta.
