Taulant Balla kryetari i grupit parlamentar të PS-së, u takua me Presidentin Ilir Meta në Presidencë, në kuadër të konsultimeve për caktimin e datës së zgjedhjeve të pjesshme lokale.
Në një prononcim për gazetarët pas takimit, Balla tha data që ka propozuar Meta është 6 Marsi.
“Zgjedhjet duhet të ishin zhvilluar në secilën prej bashkive brenda afatit 45 ditor. Për ne s’ka asnjë datë, atë e përcakton nga ligji dhe kushtetuta. Presidenti mendon që zgjedhjet e pjesshme mund të zhvillohen në datë 6 mars. Shkeljet kushtetuese të konstatuara ndër këto dy vite janë shkelje që natyrshëm të mos kishin ndodhur, ajo që është e rëndësishme është që në këtë moment, pas vendimit të qartë të Gjykatës Kushtetuese, biem dakord që ne kemi qenë në anën e duhur të historisë dhe presidenti besoj e ka kuptuar se ka qenë në anën e kundërt të kushtetutës”, tha ai.
