Publikimi i lajmeve të rreme në internet dhe portale online ka nxitur shkencëtarët të krijojnë një “vaksinë” për të imunizuar njerëzit ndaj këtij problemi, raporton “DailyStar”.
Mësohet se një studim i Universitetit të Kembrixh ka shpikur mjete psikologjike për të nxjerrë në pah shtrembërimin e fakteve.
Studiuesit sugjerojnë një lexues që bën një “ekspozim paarandalues” me një “dozë” të vogël lajmesh të rreme, duke ndihmuar organizatën të heqë ato.
Lajmet mbi zgjedhjet ameriakne dhe Sirinë janë ato që kanë sjellë shqetësim. “Keqinformimi mund të të prekë, të përhapet dhe shumohet njësoj si virusi. Idea është të sigurohet një repertor njohës që ndihmon në ndërtimin e rezistencës ndaj keqinformimit, kështu që herën tjetër njerëzit do të jenë më pak dyshues”, thotë autori i studimit Dr. Sander van der Linden, raporton media e huaj.
Ky studim është zhvilluar si një eksperiment i maskuar. Më shumë se 2 mijë amerikanëve iu prezantuan dy lajme për ngrohjen globale.
Studiuesit thanë se kur lajmet jepeshin njëri pas tjetrit kuptoheshin lehtë kush ishin të rreme e kush të vërteta. Por kur ishin të kombinuara me keqinformim, në formën e paralajmërimit lajmi i rremë bënte më pak rezonancë.
