Forcat e Policisë kanë rrethuar mëngjesin e sotëm zonën e 5 Majit në Tiranë, ku pritet të shemben disa banesa, për të cilat pronarët nuk kanë rënë dakord me Bashkinë e Tiranës.
Zona është rrethuar nga forca të shumta policie, të cilat nuk lejojnë as mediat që të afrohen.
Madje nga raportimet mësohet se nga Policia Bashkiake është shoqëruar operatori i Fax News, i cili ishte futur brenda kordonit policor.
Gjatë ditës së sotme është parashikuar shembja e 3 banesave, dhe më pas procesi do të vijojë edhe me godina të tjera në ditët në vijim.
Skema e përdorur edhe në këtë zonë kundër pronarëve të banesave është e njëjtë me atë të aplikuar më parë te ish-stacioni i trenit apo Unaza e Re, ku policia rrethonte zonën, dhe largonte dhunshëm banorët.
