Deputetja Grida Duma u shpreh sot se ish-Kryeministri Sali Berisha ka arritur në mjerimin më të madh. Duma, e shfaqur në krah të Lulzim Bashës, tha se ne nuk po ushqejmë më të keqen.
Ajo u shpreh se Berisha po keqpërdor sot disa persona që shfaqen aty jashtë duke na hedhur gurë, vijnë në selinë e PD dhe na hedhin gur. Duma tha se edhe këtyre njerëzve i them të distancohen nga mjerimi i Berishës, pasi do të vijë dita që do na falenderojnë që ne po shpëtojmë PD.
“Duhet t’i mbajmë mend të gjitha, është detyrë. Të gjitha kontributet. Shpesh e bëjmë këtë diskutim dhe themi, parti është një bashkim vullnetar dhe nuk ka gjë më të shtrenjtë në një periudhë të ekonomisë së tregut kur gjen njerëz që vullnetarisht japin në opozitë.
Unë mendoj që forca më e madhe është drita në fakt, jo errësira, kështu që po e mbyll me këtë metaforën. Kam Merin atje, gjithë jetën në PD. Ne do ikim, PD-ja ishallah e past jetën e përjetshme në këtë vend dhe sjelltë atë energji që juve ia lini, sepse Meri është një nga le të themi ekonomistet, informaticienet më të mira që pa pasur Partia Demokratike, nuk ikën.
Sa herë që ulemi në tryeza, vetëm më kritikon, pastaj gjendet po aty dhe e vetmja gjë që thotë, është ku i keni ato çunat ato gocat, të vijnë t’i trajnoj dhe të ikin. Dhe është thelbi i shpirtit të gruas në trashëgimninë dhe në gjithçka tjetër”, tha Duma.
