“Në 2016-n kemi patur një rritje prej 3.4 për qind të PBB-së. Sot kemi konsolidim të qendrueshëm fiskal”. Kështu u shpreh ministri i Financave, Arben Ahmetaj, në një konferencë për shtyp me misionin e FMN-së, nga ku tha se programi i përbashkët i ka arritur objektivat ekonomikë.
“2016 ishte viti i parë i uljes së borxhit dhe në 2017-n kjo tendencë do të vazhdojë”, ka vijuar Ahmetaj. Ai ka shtuar se vazhdimi i reformave qeveritare është një domosdoshmëri”, tha ministri.
Përfaqësuesja e FMN-së për Shqipërinë tha: “Reformat strukturore janë në rrugë të mbarë. Mbetemi të gatshëm të mbështesim Shqipërinë edhe në të ardhmen”.
Guvernatori i Bankës së Shqipërisë, Gent Sejko ka vlerësuar se falë këtij programi borxhi publik i vendit është vendosur në një trajektore rënieje.
“Perspektiva e zhvillimit të vendit mbetet pozitive dhe politika monetare do të vazhdojë të mbetet stimuluese”, ka thënë Sejko.
