200 gr tritol janë gjetur në afërsi të derës së shtëpisë së një mësuesi të 9-vjeçares në Burrel.
Mësohet se lënda plasëse nuk ka shpërthyer, duke shmangur kështu një tragjedi.
Policia tha se rreth orës 09:00 kanë marrë informacionin se në lagjen “Partizani” të qytetit të Burrelit në katin e 5-të të një pallati, tek zgara prej hekuri që ndan shkallën është një pako e dyshuar me lëndë plasëse.
“Menjëherë është nisur për në vendngjarje grupi hetimor ku kanë konstatuar një pako të dyshuar më lëndë plasëse të vendosur në zgarën e hekurt që ndan shkallën në afërsi të derës së banesës së shtetasit A. C., 56 vjeç, banues në Burrel”, thanë burime policore.
Mësohet se grupi hetimor ka bërë menjëherë çaktivizimin e pakos me tritol me peshë 200 gram.
Sakaq po hetohet për zbardhjen e ngjarjes si dhe identifikimin dhe kapjen e autorit.
