3 të rinj shqiptarë u arrestuan nga policia e Aleksandrisë në Itali pasi plagosën rëndë me thikë një bashkëkombasin e tyre në muajin nëntor. Sipas mediave italiane, të arrestuarit i përkasin grupmoshës 19-29 vjeç.
Në muajin nëntor, këta persona u futën në banesën e një 40-vjeçari shqiptar dhe e sulmuan. Më pas, ata e ndoqën në rrugë dhe e goditën disa herë me thikë.
I plagosuri u dërgua me urgjencë në spital dhe shpëtoi falë një ndërhyrje delikate kirurgjikale.
