Vehap Kola, një prej emrave që shfaqen në mbrojtje të Lulzim Bashës herë si analist dhe herë si pjesë e emërimeve të reja, ka reaguar i shqetësuar në rrjetet sociale lidhur me përkujtimin që po i bëhet ditës kur heroi kombëtar i shqiptarëve, Gjergj Kastriot Skënderbeu, ka ndërruar jetë.
Në ditën e vdekjes së Skënderbeut, Shqipërinë e vizitoi Presidenti turk Rexhep Tajip Erdogan, të cilit iu rezervua një pritje si Sulltan, ndërsa zyrtarët e Qeverisë u sollën si të emëruarit e “Portës së Lartë” në ndonjë vilajet.
Gjithsesi Kola ka shfaqur shqetësim jo për pritjen deri në puthje këmbësh të Sulltanit, por te kujtimi i heroit kombëtar.
“Të gjithë hajdutët e pasurive dhe dekadave të Shqipërisë janë turrur të kujtojnë heroin kombëtar Gjergj Kastriotin – Skënderbeun.
Nacionalizmi është streha e fundit e maskarenjve.
Asnjë sekondë të pushtetit të tyre nuk ia kanë kushtuar Shqipërisë, prandaj meritojnë të quhen tradhëtarët dhe besëprerët e mëdhenj të kombit”, shkruan Kola.
