Komisioni Qendror i Zgjedhjeve i ka kthyer përgjigje Presidentit Ilir Meta në lidhje me bashkitë e vendit që nuk kanë kryetar të zgjedhur.
Në shkresën e KQZ thuhet se pa kryetarë janë tre bashki: Shkodra, Vora dhe Dibra.
Por ajo që duket pak e çuditshme është fakti se KQZ thotë se nuk ka dijeni në lidhje me bashkitë Lushnje, Durrës dhe Rrogozhinë.
Kryebashkiaku i Lushnjes, Fatos Tushe, u shkarkua me vendim Qeveria, pasi u arrestua me urdhër të SPAK, e megjithatë KQZ thotë se s´ka dijeni.
Rrogozhina gjithashtu është pa kryetar, pasi i votuari në 2019 u nda nga jeta, si pasojë e një ataku kardiak, ndërsa në Durrës brenda një kohe të shkurtër u ndryshuan Kryebashkiakët, pasi e votuara në 2019 u dorëhoq dhe më pas u emërua një prej nënkryetarëve të Bashkisë, i cili sërisht u dorëhoq, duke shkuar emërim pas emërimi.
E nisur nga përgjigjia që KQZ i ka drejtuar Presidentit, duket sikur Kryekomisioneri Shtetëror i Zgjedhjeve, Ilirjan Celibashi, jeton në një realitet tjetër, pasi vështirë të gjesh një zyrtar të mos dijë se sa njësi s´kanë kryetarë bashkie.
