Një aksident me vdekje ka ndodhur këtë të Hënë në Divjakë. Një 29-vjeçar, i cili drejtonte një motoçikletë, ka humbur jetën pas përplasjes me një automjet.
Viktima është Klinton Xharaj.
Ndërkohë, nën drejtimin e automjetit ka qenë Andreold Davidi, 29 vjeç, i cili është shoqëruar nga policia.
“Sot rreth orës 11:00, në fshatin Këmishtaj, shtetasi A.D., 29 vjeç, banues në Divjakë, duke drejtuar automjetin tip ‘Audi’ është përplasur me motomjetin tip ‘Yamaha’ me drejtues shtetasin K.Xh., 29 vjeç, dhe për pasojë ka ndërruar jetë drejtuesi i motomjetit”, njoftoi policia.
Grupi hetimor po punon për zbardhjen e plotë të rrethanave të aksidentit, shtuan të njëjtat burime.
