FRPD ka denoncuar përdorimin e logos së kësaj organizate nga Lulzim Basha dhe mbështetësit e tij, për të zhvilluar një shfaqje teatrale ditën e sotme.
‘Në bazë të deklaratave tona të mëparshme, ne i qëndrojmë çdo vendimi të marrë nga kryesia e FRPDSH në lidhje me procesin zgjedhor, i cili po ashtu do të udhëhiqet nga grupi i punës i ngritur prej kryesisë së kësaj organizate.
Procese të tjera paralele që zhvillohen nga humbësit kronikë të çdo gare në PD janë ilegjitime dhe të pabazuara në statutin e FRPD. Ato nuk i shërbejnë askujt’, shkruan FRPD në Facebook.
Postimi i plotë i FRPD-së:
Forumi Rinor i Partisë Demokratike bën me dije opinionin publik se deputeti Lulzim Basha dhe mbështetës të tij po përdorin logon e organizatës tonë për të zhvilluar një shfaqje teatrale.
Në bazë të deklaratave tona të mëparshme, ne i qëndrojmë çdo vendimi të marrë nga kryesia e FRPDSH në lidhje me procesin zgjedhor, i cili po ashtu do të udhëhiqet nga grupi i punës i ngritur prej kryesisë së kësaj organizate.
Procese të tjera paralele që zhvillohen nga humbësit kronikë të çdo gare në PD janë ilegjitime dhe të pabazuara në statutin e FRPD. Ato nuk i shërbejnë askujt.
Si organizatë partnere e Partisë Demokratike, ne nuk mund të lejojmë të keqpërdoremi për interesat e atyre që janë shkarkuar nga Kuvendi Kombëtar dhe më pas nga anëtarësia.
FRPD fton gjithë të rinjtë që të mos bien pre e mashtrimeve të një deputeti, i cili ka humbur arsyen dhe llogjikën.
