Kreu i LIBRA-s, Ben Blushi, ishte sot i ftuar në emisionin “5 pyetje nga Babaramo” në Report TV ku ndër të tjera foli edhe për 21 janarin.
Ai u shpreh se gardisti që qëlloi në 21 janar, sot është kryetar i Partisë Socialiste në Burrel.
Sipas tij, kjo gjë ka ndodhur sepse rilindja nuk ka asnjë moral dhe ka krijuar një bandë aty dhe sot kontrollon PS-në në Bulqizë.
“21 janari ishte vrasje shtetërore. Sali Berisha i vrau. Ka një rezistencë për t’i shkuar deri në fund 21 janarit. Por kjo qeveri s’ka bërë gjë tjetër veçse ka larë gjakun me para. Ndoshta, mund të fshihet qeveria se s’po bën drejtësi ngaqë sistemin e drejtësisë nuk e kontrollon dot. Një nga Gardistët e 21 janarit është sot kryetar i PS-së në Bulqizë. Kanë qenë disa gardistë të cilët kanë marrë urdhër për të qëlluar. Një nga këta është sot kryetar i PS-së në Bulqizë. Gjykata ta detyron këtë? Ka një reflektim moral. Pse gardisti i 21 janarit shkon në krye të PS në Bulqizë? Sepse rilindja s’ka asnjë normë. Mesa duket ai ka krijuar një bandë të vogël aty dhe sot kontrollon PS-në e Bulqizë, emërimet, industrinë e minierës, është edhe drejtor i OSHEE-së lokale”. u shpreh Blushi
