Dy ditë pasi një 38-vjeçar ra nga kati i dytë i një ndërtese ku po punonte në afërsi të Qytetit Studenti në Tiranë, policia njoftoi nisjen e procedimit penal ndaj dy personave. Bëhet fjalë për inxhinierin dhe kontraktorin e firmës që kryenin punimet. Sa i përket të plagosurit, ai vijon të jetë nën kujdesin e mjekëve.
“Specialistët për Hetimin e Krimeve në Komisariatin e Policisë Nr. 1 proceduan penalisht shtetasit A. A., 46 vjeç, inxhinier në një firmë, dhe B. D., 49 vjeç, kontraktor i punimeve të kësaj firme, pasi në firmën ku punojnë, është rrëzuar dhe si pasojë është dëmtuar punonjësi, shtetasi M. Gj., 38 vjeç, i cili ndodhet në spital, nën kujdesin e mjekëve”.
