Ish-Kryeministri Sali Berisha i ka cilësuarsi akuza enveristësh ato që i janë bërë për shkeljen e embargos ndaj Serbisë në vitet ´95-´96.
Në një intervistë për RTK në Kosovë, Berisha tha se ka pasur shkelje të embargos nga fshatarë të zonave kufitare, që transportonin naftën me mushka.
“Të gjithë krizën e naftës e përjetonte Kosova dhe une nuk doja që kjo embarko të binte mbi Kosovën.
Në Kosovë ka tokë. Unë kërkoja publikisht heqjen e embargos. Raportet e OKB-së tregojnë që 96% të naftës Serbia e merrte nga Danubi. Për të zbatuar ligjin ndërkombëtar unë kam bërë gjithçka mundesha. A kishte shkelje? Po.
Zonat kufitare trafikonin naftë me mushka. Tani unë s’mund të urdhëroja të vriteshin fshatarët që dërgonin bidonë me naftë. Jo atë nuk e bëja. Nuk mund të pranoj unë të qëllohet për një bidon naftë. Nuk qenë vetëm këto. Filluan në Shkodër të ndërtojnë bote gjysëm në ujë. Bëmë luftë efiçente. Nëse shkelje embargo quhet transportimi i naftës me mushka dhe gomar që bënin fshatarët e një zonë të vogël të veriut, atëherë është një slogan i enveristëve.
Gazetari: Ka pasur njerëz me pozita të larta shtetërore në Kosovë që ju kanë akuzuar për këtë.
Berisha: Çfarë ka bërë Sali Berisha për luftën? Sali Berisha i ka dhënë falas armë Bosnjes dhe Kroacisë. Ngarkesa të tëra me barut me murtaja, predha, janë dhënë për luftë kundër Serbisë. Jemi vendi që ka ndihmuar falas me materiale luftarake. Edhe këto ishin embargo por këto shkeleshin jo vetëm nga Shqipëria. Qëndrimi ndaj luftës ka qenë më i ashpri ndaj Serbisë. Nuk kam qenë për embargo që e ka vuajtur populli serb. Sali Berisha ka dhënë kontribut esencial në luftën kundër Serbisë duke çuar të gjitha armatimet që zotëronte dy vendeve, Kroaci dhe Bosnje.
