Policia ka vënë në pranga autorin e tretë të dyshuar për grabitjet e karburanteve në Durrës.
Në pranga ka rënë Bajram Kallmacaku, 20 vjeç, banues në Durrës.
Sipas policisë ky shtetas është shpallur në kërkim, pasi më datë 09.01.2017, rreth orës 01:30 në rrugën nacionale Tiranë – Durrës në afërsi të mbikalimit të “Fllakës”, dyshohet se në bashkëpunim me dy shtetas të tjerë ka kryer grabitjen me dhunë të një pike karburanti ku kanë marrë shumën monetare prej 65.000 lekë.
Mësohet se pritet transferimi i këtij shtetasi drejt Komisariatit të Shijakut për veprime të mëtejshme proceduriale.
