Pas protestës së 8 janarit të thirrur nga Komisioni i Rithemelimit të PD, ku demokratët u sulmuan me gaz dhe lëndë të tjera nga brenda ndërtesës, por edhe nga forcat speciale të Policisë së Shtetit, të thirrura në ndihmë nga deputetë që përkrahin Lulzim Bashën, Prokuroria ka thirrur për ta marrë në pyetje, ish-kryeministrin Sali Berisha, si dhe deputetin Lulzim Basha.
Nga raportimet mësohet se, Prokuroria ka thirrur Berishën që të paraqitet të enjteb për tu marrë në pyetje. Ndërkohë që Lulzim Basha është thirrur për tu paraqitur në Prokurori të premten.
Sot u liruan 34 të arrestuarit, një pjesë e të cilëve akuzoheshin për shkatërrim prone.
Gjykata vendosi masën e sigurisë Detyrim Paraqitjeje për 24 prej tyre, ndërsa 6 mbështetës të Bashës u liruan nga çdo lloj akuze, pasi sipas Prokurorisë nuk u gjet asnjë provë.
