Zv/Ndihmës Sekretari i Shtetit për Evropën Jugore dhe Qendrore, Gabriel Escobar ka folur për protestën në Partinë Demokratike, në një intervistë për Zërin e Amerikan.
Në një postim në FB, VOA bën me dije se intervista e plotë do të transmetohet gjatë edicionit të pasdites, ndërsa ka publikuar një pjesë të saj.
“Mendoj se është për të ardhur keq që dikush do të përdorë dhunën dhe jo kutitë e votimit në një përpjekje për të marrë nën kontroll një parti politike. Ne e dënojmë këtë. Jo gjithkush që pretendon se është anëtar i Partisë Demokratike është një partner i rëndësishëm i joni tani”, shprehet Escobar.
Escobar foli gjithashtu edhe për rolin që do të luajë Uashingtoni në bisedimet Kosovë-Serbi, si edhe për shpresat për integrimin evropian të rajonit, thuhet në postimin e VOA-s në FB.
