Tre ditë pas protestës së 8 janarit, ku disa qindra demokratë u dhunuan dhe u sulmuan me gaz lotsjellës dhe lëndë të tjera kimike, por edhe me shkopinj gome, nga policia e Edi Ramës dhe mbështetësit e Lulzim Bashës, ky i fundit ka blinduar sërisht dyert e godinës së PD.
Madje me rikonstruksionet e fundit, dyert në selinë e PD janv veshur me llamarina edhe nga jashtë, në kuadrin e fortifikimit të ndërtesës.
Në protestën e 8 janarit pati një tentativë për hapjen e dyerve në selinë e PD me qëllim zbatimin e vendimit të Kuvendit të 11 dhjetorit, i cili shkarkoi Lulzim Bashën nga posti i kreut të partisë, por demostruesit nuk ia arritën, pasi u gjendën në sulmin e mbështetësve të Bashës, të cilët nga brenda selisë lëshuan gaz në drejtim të tyre, por edhe të Policisë së Shtetit që përveç gazit përdori edhe ujin me presion dhe shkopinjtë e gomës.
Tre ditë nga protesta, basha përjashtoi përjetësisht nga partia Sali Berishën dhe 7 anëtarët e Komisionit të Rithemelimit, ndërkohë që për 19 të tjerë u vendos pezullimi i menjëhershëm.
Sot pritet që Basha të mbledhë deputetët që e mbështesin dhe më pas anëtarët e Këshillit Kombëtar.
