Deputeti Belind Këlliçi ka reaguar pas vendimit të Lulzim Bashës, i cili njoftoi përjashtimin nga partia të ish-Kryeministrit Sali Berisha dhe disa prej mbështetësve të tij, ndërkohë që të tjerë anëtarë të Komisionit të Rithemelimit, i ka pezulluar.
“Ish kryetari i partisë që blindoi humbjen në PD, nga xhelozia se nuk u bë dot lider, i rezistoi gjumit deri në të gdhirë të ditës së sotme për të përjashtuar e pezulluar në grup kritikët e tij.
Çudi që s’ka ende të internuar apo pushkatuar!”, shkruan Këlliçi në një reagim në rrjetet sociale.
Ndërkohë ai i bën thirrje Bashës të zbresë në bazë dhe të shikojë se si do të e presin anëtarët e PD.
“Ne kemi zgjedhur demokratët e bazës dhe ata të sakrificave, kurse ti Edi Ramën dhe bashkëqeverisjen!”, shkruan Këlliçi
