Ditën e premte, deklarata e ish-deputetit socialist Spartak Braho se një deputet mund të vritet në protestën e 8 janarit, bëri xhiron e rrjetit.
Ky deputet aludohej të ishte Enkelejd Alibeaj, i cili u mor në mbrojtje nga garda e republikës. Në lidhje me këtë ccështje ka reaguar ish-kryeministri Sali Berisha mbrëmjen e sotme në Euroneës, ku tha se pas kësaj deklarate fshihet një kurt i Ramës në lidhje me vendimin e Gjykatës Kushtetuese për Presidentin Meta.
Berisha akuzoi mbrëmjen e sotme se kjo deklaratë e Brahos është porositur nga Rama për të bërë presion ndaj bashkëshortes së Enkelejd Alibeajt, anëtarë ne Gjykatën Kushtetuese, pak ditë para vendimit për shkarkimin e Metës.
Pjesë nga intervista
Pyetje: Bashkëpunim me Metën?
Berisha: Kjo do përcaktohet nga qëndrimet që kjo lëvizje do mbaje ndaj qeverisë. Unë do bëj gjithçka për frontin opozitar më të gjërë të mundshëm për ç’montimin e narkoshtetit. Nëse do përputhen programet duhet t’ia lëmë kohës. Janë zgjedhjet nga njëra anë, por është dhe beteja deri në zgjedhje. Ai mendoi se do i japë duart Berishës, por Berisha do i japë duart atij. Ai mendoi me thika pas shpine, por tani do e shohë, se do më ketë ballë për ballë.
Pyetje: Shkarkmimi i Metës?
Berisha: E morët vesh çfarë po ndodh me seancën e Metës. Para 5 ditësh, një ish-xhelat i diktaturës deklaron se me datë 8 një deputet i PD-së do të vritet. Zylyf Braho. Cili ishte deputeti? Ishte anëtarja e gjykatës kushtetuese, bashkëjetuesja e Alibeajt. Menjëherë bodigardët për të shpëtuar… Ja dërguan apostafat për ta marrë në mbrojtje. I duhet vota e saj. Nuk jam në brendi, por kjo është kristal kapje në një shantazh të turpshëm. Një njeri që njofton se do vritet një deputet ai duhet të thirret të nesërmen. Ose tregon krimin ose është bashkëpunëtor në krim. Kjo është kapje. Dihet Edi Rama e ka atë njeri intim. Nuk ndodh kund kjo. Unë po e përmend, unë kam respekt për zonjën, por kjo s’ka lidhje me kte. Kjo vetë personalisht nuk mrapa këtij kurthi të turpshëm. Ky kurth stiset nga Rama. Kjo është shumë e hapur. Sa mora vesh që do vritej Enkelejd Alibeaj më shkoi mendja te zonja Alibeaj, që kam respekt për të.
