Një aksident automobilistik ka ndodhur mbremjen e sotme në qytetin e Lushnjes. Aksidenti ka ndodhur në lagjen Gafurr Muco në vendin e quajtur fabrika e miellit.
Në aksident janë përfshirë dy mjete një tip audi dhe një tip Mercedes Benz. Nga informacionet e mara në vendgjarje mësohet se mjeti tip Audi ka tentuar të parakalojë dy automjete njëkohesishtë duke mos vënë re mjetin tip benz i cili po kthehej në rrugën lindore të qytetit duke u përplasur e më pas kanë përfunduar në oborrin e një banese në anë të rrugës.
Si pasojë e aksidentit ka marrë demtime të lehta drejtuesi i automjetit Mercedes Benz ndërsa drejtuesi i mjetit audi me targa të huaja është larguar nga vendngjarja duke braktisur mjetin. Policia e Lushnjës ka marrë në pyetje dëshmitarë dhe drejtuesin e mjetit benz për të identifikur personin që shkaktoi aksidentin.
