Deputeti i PD, Luan Baçi në një lidhje me ‘Skype’ në emisionin ‘Frontline’ në ‘News24’ foli për zhvillimet e brendshme në Partinë Demokratike dhe protestën e thirrur nga ish-kryeministri Sali Berisha.
Gjatë bisedës, Baçi tha se 8 janarin nuk e sheh si protestë , por është një ftesë për të mbështetur Komisionin e Rithemelimit që sipas tij do të nisë punën në këtë datë.
“Nuk ka protestë brenda PD, PD është një e gjitha, ka opinione të ndryshme, zhvillime të ndryshme një zhvillim të brendshëm në PD. Unë mendoj që pas Kuvendit të 11 dhjetorit situata është më e qetësuar. Data 8 janar është data ku Komisioni i Rithemelimit fillon punë në selinë e PD dhe demokratët janë thirrur të shoqërojnë në formën e një festë si një mbështetje. Qëllimi nuk është protestë brenda PD, mund të quhet protestë ndaj ish-kryetarit, deputeti Basha që në mënyrë të dhunshme mban zyrat . Ai pas referendumit nuk është më kryetar dhe duhet të ikte vetë’, tha ai.
