Ish-Kryeministri Sali Berisha do të jetë sot me demokratët e Fierit dhe Gjirokastrës, në kuadrin e kremtimeve të krijimit të degëve të PD në këto qytete.
Në orën 14:00, Berisha do të jetë në Fier, ku është ftuar nga demokratët e këtij qyteti në aktivitetin që do të mbahet në ambjentet e Universitetit Ufo, në qendër të qytetit.
Në orën 17:00, Berisha do të jetë në Gjirokastër, ku gjithashtu kremtohet 31 vjetori i themelimit të degës së PD.
Bie në sy fakti se ish-Kryeministri po ftohet nga demokratët e qyteteve të ndryshme lidhur me datat e veçanta të themelimit të degëve të kësaj partie, ndërsa Lulzim Basha me përjashtim të Dibrës ku zhvilloi një takim, ka shmangur totalisht kontaktet me anëtarët dhe strukturat e partisë në bazë.
