Drejtori i Ujësjellësit në Bashkinë Përmet, Florian Dauti është proceduar penalisht nga policia pas një konflikti me efektivë të policisë për parkimin e makinës.
Burime zyrtare bënë me dije se Dauti, 30 vjeç, banues në fshatin Frashër-Përmet, “u procedua pasi më 3 Janar, në qendrën e qytetit të Përmetit nuk i është bindur urdhrit dhe ka kundërshtuar punonjësit e policisë pasi kishte parkuar në mënyrë të parregullt automjetin”.
Ai akuzohet për veprat penale “Kundërshtim i punonjësit të policisë së rendit publik” dhe “Mosbindja ndaj urdhrit të punonjësit të policisë së rendit publik”.
