Zbulohet foto e 34 vjeçarit Vinçens Piroli të plagosur rreth orës 19:00 në Sanxhak të Kurbinit dhe dërguar në urgjencën e Spitalit rajonal Lezhë nga persona ende të paidentifikuar nga policia.
Piroli rezulton të jetë peron me precedent të mëparshëm penal dhe i shpallur në kërkim ndërkombëtar nga autoritetet e Malit të Zi për krimin e vrasjes. Ndërsa Piroli po i nënshtrohet një ndërhyrje në Spitalin e Traumës, policia është vënë në kërkim të autorëve dhe zbulimit të automjetit tip Ford që e dërgoi në spitalin e Lezhës.
Për këtë qëllim janë duke u këqyrur kamerat e sigurisë, ndërsa dyshimet e para flasin për një hakmarrje të mundshme.
I plagosur me tre plumba pistolete një në shpatull dhe 2 në brinjë. Gjendja e 34 vjeçarit e rënduar, pasi ka humbur dhe shumë gjak.
