Një numër i madh forcash policore raportohet të jenë angazhuar pranë terminalit të Aeroportit të Rinasit.
Përkundër nga normalisht, ky numër i shtuar i patrullave policore nga policia e shtetit apo FNSH është bërë me qëllim parandalimin e akteve të mundshme terroriste, si dhe për të rritur sigurinë e udhëtarëve dhe të vetë aeroportit të Rinasit.
“Punonjësit e Policisë Kufitare duke i’u ofruar një shërbim të kulturuar qytetarëve vendas e të huaj që vijnë për në Shqipëri me avionët e linjave të ndryshme”, thuhet në videot e postuara nga Policia e Shtetit në Facebook.
Pas sulmeve terroriste në Stamboll, dhe disa vende të tjera nga ISIS, edhe autoritetet shqiptare i tremben ndonjë sulmi të mundshëm, edhe pse gjasat janë të pakta, pasi Shqipëria nuk është përfshirë drejtpërdrejt në luftën e Sirisë.
