Një shpërthim ka ndodhur mbrëmjen e sotme në Vlorë.
Në lagjen Hajro Çakerri në një mjet të parkuar ka shpërthyer në pjesën e përparme një sasi lëndë eksplozive, pa pasoja në njerëz.
Makina me targë AA151MJ në pronësi të Benard Sinomataj, ka qenë e parkuar prej shumee koheesh.
Ndërkohë që pronari i mjetit ndodhet jashtë vendit prej disa kohësh.
Nga lënda plasëse e cila është vendosur në njërën nga gomat e përparme është dëmtuar parafango dhe xhami i parë.
Nuk dihet ende se cili ka qenë motivi i vënies së tritolit, ndërkohëq ë policia po vijon punën për zbardhjen e ngjarjes.
Vlorë/Informacion paraprak
Më datë 03.01.2022, rreth orës 18:30, në lagjen “Hajro Cakërri”, Vlorë, dyshohet se në pjesën e përparme të një automjeti tip” Volkswagen Pasat” , në pronësi të shtetasit B.S., ka shpërthyer një sasi e vogël lëndë plasëse, ku si pasojë ka vetëm dëme të vogla materiale. Automjeti ka shumë kohë i parkuar pasi pronari i mjetit prej kohësh ndohet jashtë shtetit.
Menjëherë në vendngjarje kanë shkuar forcat e Policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit.
