Një anëtar i Parlamentit Evropian i ka sugjeruar Bankës Qendrore Evropiane (BQE) të dielën që themeluesit e kompanisë farmaceutike, BioNTech, Ugur Sahin dhe Özlem Türeci të bëhen pjesë në dizajnin e ti për kartëmonedhat euro që do të ndryshojnë vitet e ardhshme, shkruan DW.
Politikani gjerman i Demokratëve të Lirë (FDP) Moritz Körner ishte i pari që bëri sugjerimin.
“Puna e tyre ka shpëtuar jetën e miliona evropianëve. Figura të rëndësishme evropiane si çifti themelues i BioNTech Ugur Sahin dhe Özlem Türeci duhet të printohen në kartëmonedhat e reja të euros,” tha Körner, cituar nga gazeta gjermane Welt am Sonntag.
Trajektorja e jetës së tyre është një histori mbresëlënëse për integrimin, përparimin, sipërmarrjen, përsosmërinë shkencore dhe potencialin e një shoqërie të hapur emigrantësh,” shtoi ai.
Më 1 janar 2002, kartëmonedhat kesh u prezantuan si monedha zyrtare e Eurozonës, një moneshë që aktualisht përdorin 19 nga 27 shtetet anëtare të BE-së.
Njëzet vjet më vonë, BQE-ja nisi një proces për ridizajnimin e kartëmonedhave .
Publiku do duhet të ketë fjalën e tij në këtë proces ridizajnimi të euros.
Qytetarët evropianë do të anketohen dhe do të formohet një grup këshillues i balancuar me kujdes me anëtarë nga secili prej 19 shteteve të Eurozonës.
Megjithatë, do të kalojnë shumë vite para se të vendoset një dizajn i ri.
