Kristjan Mëhilli, 27 vjeç, raportohet se është shqiptari, i cili u arratis nga burgu i Verçellit, në natën e ndërrimit të viteve.
Mëhilli ishte arrestuar si pjesë e bandës “Ice Eyews”, anëtarët e së cilës akuzohen për një seri grabitjesh vilash në territorin e Piemontes në Itali.
Mëhilli arriti të arratisej nga qelia, ndërsa shoku i tij, u kap në momentet e fundit nga rojet e burgut.
Ata kishin arritur të sharronin hekurat e qelisë dhe përmes një litari Mëhilli arriti të zbriste dhe të realizonte arratisjen, ndërsa shoku i tij, nuk mundi pasi u kap nga rojet e sigurisë së burgut.
Qelia ku ndodhej Mëhilli ishte në katin e 4-rt të godinës dhe përmes një litari të krijuar nga bashkimi i çarçafëve, ata mundur të zbresin në murin e brendshëm të burgut.
Të ndihmuar nga persona të jashtëm, të cilët u kanë hedhur litar brenda murit rrethues të burgut, Mëhilli ka arritur të largohet ndërsa tjetri është rrëzuar e ka thyer krahun, e është bllokuar nga rojet e burgut.
Dy shqiptarët ishin dënuar me heqje lirie deri më vitin 2029.
