Pas udhëzimit të kryetarit Lulzim Basha, struktuart e Partisë Demokratike në bazë kanë nisur punën për evidentimin e emrave që do të propozohen si kandidatë për zgjedhjet parlamentare të 18 qershorit. Kryetari i Partisë Demokratike për degën e Fierit Luan Baçi, thotë se strukturat e drejtuar prej tij janë të hapura dhe po evidentojnë emra që tejkalojnë Partinë Demokratike në mënyrë që kandidatët për deputetë të jenë sa më përfaqësues dhe me integritet të lartë.
Luan Baçi: Përfitoj nga rasti tu bëj thirrje, tu bëj ftesë qytetarëve fierakë, intelektualëve të paangazhuar në parti që të afrohen të PD. Do të ketë edhe kandidaturat përkatëse për ti përcjellë në qëndër tek kryesia e PDSH për të përfaqësuar denjësisht qytetarët fierakë.
Ashtu si të gjitha degët edhe demokratët e Shkodërs janë angazhuar në evidentimin e personaliteteve që do të përfaqësojnë këtë zonë në parlament për 4 vitet e ardhshëm.
Ramiz Çoba: Ne do marrim kontakt edhe me komunitete të ndryshme, duke filluar që nga të persekutuarit, studentët, shoqëria civile në mënyrë që të thithim kandidatura të përshtatshme që gëzojnë reputacion në opinionin publik.
Edhe pse baza ka marrë porosi të qartë që të evidentojë emra me integritet të lartë, lista e kandidatëve të Partisë Demokratike do t’i nështrohet një vetting të imtësishëm.
Në bazë të udhëzimit të kryetarit Partisë Demokratike Lulzim Basha, baza deri në 15 shkurt duhet të dorëzojë propozimet e saj.
