Një 27-vjeçar ka humbur jetën në Cërrik këtë të Enjte. Siapas policisë, dyshohet se i ka shpërthyer një sasi lëndë plasëse në dorë.
“Rreth orës 12:15, në aksin rrugor Elbasan-Belsh, në vendin e quajtur ‘Kryqëzimi i lagjes nr. 3’, Cërrik, në rrugë, dyshohet se aksidentalisht, shtetasit E.R., 27 vjeç, banues në Cërrik, i ka shpërthyer një sasi lëndë plasëse në dorë dhe për pasojë ka humbur jetën”, njoftoi policia.
Në vendngjarje ka mbërritur grupi hetimor dhe nën drejtimin e Prokurorisë po vijon puna për sqarimin e rrethanave të ngjarjes, shtuan të njëjtat burime.
