Një 37-vjeçar u arrestua në Skrapar pasi u kap me 2 kg kanabis.
“Pas informacioneve të mara se një shtetas posedonte një sasi lënde narkotike, nga ana e Seksionit për Hetimin e Narkotikëve në Drejtorinë Vendore të Policisë Berat u organizua puna për lokalizimin dhe ndalimin e tij. Në vendin e quajtur ‘Rruga e Potomit’ – Skrapar, shërbimet e Policisë kanë kapur dhe arrestuar në flagrancë shtetasin O.Gj., 37 vjeç, banues në Krast-Skrapar, të cilit gjatë kontrollit fizik, iu gjetën dhe sekuestruan në cilësinë e provës materiale 2 kg lëndë e dyshuar narkotike kanabis sativa”, njoftoi policia.
I arrestuari akuzohet për veprën penale “Prodhimi dhe shitja e narkotikëve”.
