Ish-Kryeministri Sali Berisha u shpreh në studion e RTV Ora se ka marrë sinjale nga Uashingtoni se Lulzim Basha i thotë ambasadores amerikane se Sali Berisha kontrollon PD dhe se ne nuk mund të flasim në zyrë pasi më përgjon.
Berisha u shpreh se ka pasur informacione se Lulzim Basha ka ndihmuar Edi Ramën në vendimin për shpalljen non grata të tij.
“Vendimi është marrë pa asnjë provë, pa ndikuar George Soros në vendimin e Sekretarit amerikan të Shtetit. Soros do të shpallet non grata në Shqipëri kur të fitojë PD. Unë nuk i bëj këto deklarata për konsum politik, por më kanë thënë muaj përpara lidhur me qëndrimin e Lulzim Bashës”, pohoi Berisha.
Sipas tij, sot vendi ynë mund të quhet republika e G. Soros.
“Ku e ka drejtësinë ky shtet sot? Njerëzit që kanë nevojë për gjykata si i marrin vendimet? U thuhet në gojë se pritet urdhri ose çanta me çmimi ne tmerrshëm për të dhënë vendimin.
Sali Berisha i është kundërvënë kësaj drejtësie që ndërtoi Rama dhe Sorosi sepse po i pritej kolona vertebrale e shtetit. Drejtësia kishte të meta, por jo të shkatërrohet totalisht dhe të vihej në funksion të ekzekutivit. E përsëris së nëse PD vjen në pushtet, Sorosi do të shpallet non grata”, tha Berisha.
