Lulzim Basha, pasi ‘shkarkoi’ Albana Vokshin si kryetare e Lëvizjes së Gruas, ka vijuar sulmin ndaj demokratëve me anë të Grida Dumës, e cila ka nxjerrë datat për të zgjedhur emrin e ri të kësaj organizate partnere.
Grida Duma, e shkarkuar unanimisht nga delegatët në Kuvendin e 11 dhjetorit 2021, në një dalje për mediat u shpreh se në datën 6 shkurt do të zhvillohen zgjedhjet në nivel dege dhe më pas në datën 19 do të zgjidhet emri i ri që do zëvendësojë Vokshin.
Duma: Në datën 6 shkurt 2022 do të zhvillohen zgjedhjet në të gjithë Shqipërinë në nivel dege dhe pas datës 6 do të hapet një fushatë në nivel qarku ku do të nisë gara në primare për të shkuar në datën 19 shkurt që do të kulmojë me zgjedhjen e kryetares së LDG. Një gjë ka qenë në sinkron. LDG duhet të konceptohet si partnere e PD. Pra nuk do të kemi vetëm anëtare, por edhe një kontributore.
