Atentati i ndodhur në mëngjes në fshatin Gjocaj të Peqinit, duket se ishte përgatitur më parë.
Kështu duket nga të dhënat e mbledhura deri më tani nga policia dhe dëshmitarët në lidhje me vrasjen e Albi Bashaliut.
Duke folur për gazetarin e SYRI TV në Elbasan, pronari i lokalit përballë të cilit ndodhi vrasja ka treguar se si u krye krimi.
‘Kisha mbyllur dyert e dritaret, pasi kam sobën dhe thashë rrinë ngrohtë ata që pinë kafe.
Sa doli personat ishin këtu në pritje. Ai doli me u futë, në mes të rrugës, doli një njeri nga makina me pistoletë në dorë.
Dëgjuam bam bam, ne nga ngjau si fishekzjarre dhe jo si krismë pistolete’, është shprehur dëshmitari i vrasjes së Albi Bashaliut.
Sali Bashaliu tregon të gjithë dinamikën e ngjarjes, se si dy autorët e qëlluan Bashaliun, u kujdesën që ai të kishte vdekur, dhe më pas i morën çelësat e makinës nga xhepi.
Si ndodhi ngjarja?
Ngjarjen nuk e pamë, unë isha brenda, ngjarja ndodhi në rrugë, një makinë ishte parkuar këtu afër punës sime, me targa tona, ishin xhamat e zinjë dhe nuk dukej njeri brenda.
Nuk patë ndonjë lëvizje të dyshimtë?
Jo asgjë, kishte ardhur për të pirë kafen në mëngjes, sa zbriti e qëlluan, ishin veshur me të zeza, me maska COVID, ishin çuna të rinj, një doli me pistoletë, ishin 2 veta, u frikësuam të gjithë, viktima është njeriu imë, unë desh dola se viktima është njeriu im, më thanë ‘futu brenda zotri’, ai që kishte pistoletën më tha, kjo është rrugë kryesore,
Ikën menjëherë?
Bënë vrasjen, një e gjuajti dy herë, pastaj e kontrolloi, dhe i quajti dy herë, i mori çelësat dhe mori çelësat e makinës, dhe ndezi makinën e viktimës, kur e ndezi, i vuri benzinën makinës së tyre dhe u larguan, ikën qetë e qetë.
Si e njihnit Albin?
Ishte punëtor, djalë i mirë, ka qenë i sëmurë, m’u dhimbs, s’kam fjalë
Dyshimet?
Nuk e di, unë kam qenë në punë.
